FJÖLBÝLISHÚS - VÍÐIHLÍÐ 1-3

Svæðið er hugsað sem íbúðarhverfi í samræmi við aðalskipulag. Nýr aðkomuvegur liggur frá
Eyjafjarðarbraut vestri og upp á svæðið að bænum Kroppi þar sem hann kvíslast í tvennt,
Norðuröldu til norðurs og Hringöldu til suðurs. Við Norðuröldu eru einbýlishús og fjölbýlishús. Út
frá Norðuröldu liggja þrjár götur samsíða hæðarlínum með einbýlis-, rað-, og fjölbýlishúsum.
Grænt trjávaxið svæði meðfram Kroppslæk deilir svæðinu í tvennt og tengir það við skógræktina
vestan við byggðina. Hringalda er raðhúsagata sem myndar sporiskju umhverfis leiksvæði. Annað
leiksvæði er ofar í hlíðinni sunnan við Háöldu. Gönguleiðir eru ýmist tengdar við núverandi
aðkomuveg að Kroppi sem verður göngu- og hjólastígur, en einnig tengist svæðið með stíg
meðfram suðurenda skipulagsins sem tengist einnig inn á núverandi aðkomuveg sem áfram
tengist stofnstíg meðfram Eyjarfjarðarbraut vestri. Sá stígur liggur að skólum og þjónustu á
Hrafnagaili.
Meginhugmynd deiliskipulagsins er lágreist byggð, uppbrotin og lífleg umvafin grænum svæðum
og geirum sem ganga niður hlíðina og tengja það við nærliggjandi svæði. Megin einkenni
svæðisins eru tveggja hæða byggð einbýlis-, rað- og fjölbýlishúsa sem raðað er meðfram
húsgötum í hlíðinni.